Courtois thyen heshtjen për lëndimin që pësoi në stërvitje

Portieri i Real Madridit, Thibaut Courtois, ka reaguar pasi pësoi një tjetër lëndim në fazën rikuperuese nga ai që kishte pësuar në fillim të këtij sezoni.

Belgu 31 vjeçar ka qenë një performues i fortë për Los Blancos që kur mbërriti në verën e vitit 2019. Në 230 paraqitje në të gjitha garat, ai ka mbajtur 91 porta të pa prekura, duke fituar dy herë La Ligën dhe Ligën e Kampionëve në sezonin 2021-22 .

Megjithatë, Courtois pësoi një pengesë në fillim të sezonit, kur ai pësoi një lëndim në ligamente të gjurit. Në mungesë të tij, zëvendësi i tij Andriy Lunin dhe i huazuari Kepa Arrizabalaga nga Chelsea kanë ndarë detyrat e portierit.

Lexo po ashtu Zyrtare: Real Madridi konfirmon lëndimin e rëndë të Courtois – belgu u largua nga stërvitja në lot

Kishte raportime se belgu do të ishte në formë para fundit të sezonit, por gardiani duket se ka pësuar një pengesë në rrugën e tij të gjatë drejt rikuperimit. Sipas Fabrizio Romanos, belgu – i cili për lëndimin meniskun – tha: “Jam i trishtuar për këtë lëndim të ri, por është vetëm një pengesë e vogël. Do të kthehem më i fortë se kurrë. E ndjej mbështetjen tuaj”.

Skuadra e Carlo Ancelottit ka ecur mirë pavarësisht mungesës së Thibaut Courtois. Edhe pse ata u eliminuan herët në Copa del Rey, ata fituan Superkupën e Spanjës, kryesojnë La Ligën me tetë pikë me nëntë ndeshje para se të përfundojë sezoni.

Ata janë gjithashtu në çerekfinale të Ligës së Kampionëve, aty ku do të përballen me Manchester Cityn muajin e ardhshëm. /Telegrafi/