Coronavirus: Para se të bëhet gjendja më serioze, Rio Ferdinand kërkon që ky sezon i Ligës Premier të përjashtohet

Rio Ferdinand është duke bërë në vazhdimësi thirrje që ky sezon të përjashtohet shkaku i coronavirusit.

Pandemia botërore ka shtyrë të gjitha aktivitetet sportive dhe ato ende nuk dihet se kur do të rifillojnë.

Legjenda e Manchester United po kërkon nga Federata e Futbollit të Anglisë që ky edicion i Ligës Premier të shtyhet dhe të merren gjëra më seriozisht.

“Jam i sigurt se në javët e ardhshme gjërat do të rregullohen dhe sezoni duhet të përjashtohet dhe të fillojnë një nga fillimi”, ka thënë ai.

“E kam thënë edhe më parë se tifozët e Liverpoolit mund të më kritikojnë për këtë deklaratë, mirëpo duhet të fillojmë të mendojmë më seriozisht rreth shëndetit tonë”.

Lexo po ashtu Ferdinand: Van Dijk nuk e meritoi çmimin 'Lojtari i Vitit' nga UEFA

“Asnjë gjë nuk mund ta paguajë shëndetin tonë,andaj duhet të jemi të vetëdijshëm se çfarë kërkojmë dhe a është e arsyeshme”, ka shtuar më tej Ferdinand”.

Liverpooli është lider me 25 pikë para vendit të dytë Manchester City, derisa do i duhen vetëm edhe gjashtë pikë për t’u shpallu kampion, por nëse liga përjashtohet, atëherë The Reds nuk do ta marrin trofeun në duar as në këtë sezon. /Telegrafi/