Antonio Conte ka thënë se skuadra aktuale e Interit nuk është aspak si skuadra e parë e Juventusit që e ka drejtuar.
Në konferencën për shtyp para ndeshjes ndaj Bolognas, trajneri i Nerazzurrëve është pyetur për ngjashmëritë me ekipin e tanishëm të zikaltërve dhe atë të Bianconerëve në sezonin 2011/2012.
"Jo, atë vit nuk ishim në Evropë. Nuk mund të bësh krahasime, ngjashmëria e vetme është se gjithmonë luajmë në 1.000 mph (1609 km/h)'.
Antonio Conte (Foto: Emilio Andreoli/Getty Images/Guliver)
"Nëse e heqim këmbën nga pedali, nuk fitojmë. Nuk jemi të ndërtuar që të presim", ka deklaruar Conte.
Nën drejtimin e strategut italian, Juventusi e fitoi tri herë radhazi titullin e Serie A, por edhe pas largimit të tij, Zonja e Vjetër vazhdoi ta fitonte titullin. /Telegrafi/
