Conte: Interi ishte i shkëlqyeshëm – Lukaku, një “diamant” që kam dashur të punoja gjithmonë

Antonio Conte ka thënë se është shumë i lumtur me paraqitjen e Interit në fitoren 3-1 ndaj Napolit në kuadër të javës së 18-të në Serie A.

Nerazzurët fituan me shumë spektakël në udhëtim te rivali i ligës, duke qëndruar në krye të tabelës me 45 pikë, aq sa ka edhe Juventusi.

Conte deklaroi se skuadra e tij bëri një paraqitje të mirë, derisa e ka vlerësuar lartë edhe paraqitjen e Romelu Lukakut.

“E kam thënë edhe më parë se Romelu Lukaku është një ‘diamant’ që gjithmonë do të doja të punoja”, ka thënë fillimisht ai.

“Nuk më interesojnë shumë statistikat, por loja që bën ai. Kam dëgjuar disa persona (Fabio Capello) që thonë se kundërsulmet te ne nuk funksionojnë dhe se po mbrohemi shumë, por sonte u treguam atë gjë”.

Lexo po ashtu Gattuso për humbjen ndaj Interit: Napoli bëri shumë gabime

“Natyrisht se ishte një fitore e madhe për ne dhe e merituam atë nga fillimi deri në fund. Kemi tregua karakter ndaj një skuadre që në sezonet e fundit e ka rivalizuar Juventusin për titull”, ka shtuar më tej Conte.

Interi është pretendent kryesor për ta fituar Serie A-n në këtë sezon e që në farë të ngushtë po përballen me Zonjën e Vjetër. /Telegrafi/