Clippers mposhtin lehtësisht Houstonin, Curry rikthehet pas një kohe të gjatë për Golden State Warriors

Los Angeles Clippers ka triumfuar në derbin e mbrëmjes ndaj Houston Rockets në NBA.

Skuadra nga Kalifornia e arriti fitoren e 43-të këtë edicion më lehtë se që ishte menduar, pasi ka mposhtur me 15 pikë diferencë në udhëtim Houstonin 105:120.

Kawhi Leonard ishte më meritori për fitoren e Clippers me 25 pikë, gjashtë kërcime e pesë asistime.

Me lojë të mirë u dalluan edhe dy qendrat Harell e Zubac, ku i pari realizoi 19 pikë e 10 kërcime ndërsa kroati shtoi 17 pikë e 12 kërcime.

Russell Westbrook shënoi 29 pikë e pati 15 kërcime, por që nuk mjaftuan për t’i bërë ballë skuadrës nga Los Angelesi.

Ndeshje mjaft interesante është zhvilluar edhe në Chase Center të San Franciscos mes Golden State Warriors dhe Toronto Raptors.

Fitore të mundimshme morën kampionët në fuqi me tetë pikë diferencë 113:121.

Norman Powell shënoi 37 pikë që ishin edhe rekord për karrierën e tij e Kyle Lowry 26 të tjera për fitoren e kampionëve kanadez.

Gek vendasit kishte festë pasi është rikthyer në parket fundori i jashtëzakonshëm Steph Curry.

Pikërisht Curry ishte më efikasi me 23 pikë, shtatë kërcime e shtatë asistime, por që nuk mjaftuan për ta befasuar kampionin në fuqi të NBA. /Telegrafi/

Rezultatet:

Sacramento Kings – Philadelphia 76ers 108:125

https://www.youtube.com/watch?v=NKWUTpVYxUk

Houston Rockets – LA Clippers105:120

https://www.youtube.com/watch?v=6VxfpZvZpPA

Charlotte Hornwts – Denver Nuggets 112:114

https://www.youtube.com/watch?v=JDmc4JM8q4I

Golden State Warriors – Toronto Raptors 114:121

https://www.youtube.com/watch?v=c5luPyLRffM