Nën kampionët e NBA, Cleveland Cavaliers kanë harruar humbjen e pësuar dy ditë më parë nga Washington Wizards.
Në përballje me Memphis Grizzlies, Cleveland kanë shënuar fitore të lehtë me 23 pikë diferencë, 112-89.
LeBron James ishte edhe njëherë fantastik në këtë përballje me ‘Triple Double’, ku realizoi 18 pikë, kapi 14 topa nën kosh dhe dhuroi 11 asistime për bashkëlojtarët e tij.
Me paraqitje të mirë tek Cavs ishin edhe George Hill me pikë të njëjta sa James si dhe dyshja e ardhur nga Lakers, Nance JR dhe Jordan Clarkson që shënuan 15 respektivisht 14 pikë.
Fitorja e natës së mbrëmshme ishte e 35 për Cavs këtë edicion derisa ata kanë pësuar edhe 23 humbje dhe zënë pozitën e tretë në Lindje.
Fitore ka shënuar edhe Los Angeles Lakers përballë Dallas Mavericks me 22 pikë diferencë 124-102.
Lakers që nga fillimi i ndeshjes ishin më të mirë kur çerekun e parë e përfunduan me epërsi të lartë 32-17.
Edhe në çerekun e dytë vendasit ishin më të mirë dhe shkuan në pushim me rezultat 63-41.
Loja e mirë e vendasve vazhdoi edhe në dy çerekët e fundit ndërsa më meritori për këtë fitore ishte Julius Randle që realizoi ‘Triple Double’, me 18 pikë, 10 asistime dhe 13 kërcime.
Isiah Thomas kishte gjithashtu një natë të mirë ku realizoi 17 pikë dhe bëri katër asistime.
Për Lakers paraqitje të mirë këtë mbrëmje kishte edhe Brandom Ingram me 15 pikë e nëntë kërcime si dhe qendra kroate Ivica Zubac që shtoi 14 pikë për 18 minuta lojë.
Fitorja ndaj Dallas ishte e 24-ta këtë edicion për LA, ndërsa kanë pësuar 10 humbje më shumë dhe ndodhet në pozitën e 11 në Perëndim por me gjasa për tu futur në ‘Play – Off’. /Telegrafi/Rezultatet:
Detroit Pistons - Boston Celtics 98:110
Indiana Pacers – Atlanta Hawks 116:93
Washington Wizards – Charlotte Hornets 105:122
Toronto Raptors – Milwauke Bucks 119:122
Houston Rockets - Minnesota Timberwolves 120:102
Memphis Grizzlies - Cleveland Cavaliers 89:112
New Orleans Pelicans – Miami Heat 124:123
Denver Nuggets - San Antonio Spurs 122:119
Phoenix Suns - Los Angeles Clippers 117:128
Uttah Jazz – Portland Blazzers 81:100
Los Angeles Lakers – Dallas Mavericks 124:100
