Çka do të diskutojnë Biden dhe Sunak në Shtëpinë e Bardhë?

Presidenti i Shteteve të Bashkuara, Joe Biden dhe kryeministri i Mbretërisë së Bashkuar, Rishi Sunak, janë takuar sot në Shtëpinë e Bardhë, duke përshëndetur lidhjet mes aleatëve shumëvjeçarë.

Dyshja pritet të diskutonin një gamë të gjerë temash, që pritet të përfshijnë inteligjencën artificiale (AI), tregtinë, luftën në Ukraina, Kina dhe udhëheqja e NATO-s.

Zyra e Sunak tha se kryeministri, në udhëtimin e parë në Shtëpinë e Bardhë në këtë rol, do t’i dhuronte Bidenit të enjten relike të prejardhjes së tij angleze, duke përfshirë një kopje të librit të stërgjyshit të Bidenit, Christopher Biden, Disiplina detare: Nënshtrimi në kundërshtim me mosbindjen.

Biden ka trashëgimi irlandeze dhe angleze dhe në një udhëtim në Irlandë në muajin prill e përshkroi librin e marinarit të shekullit të XIX-të si udhëzuesin e Marinës Mbretërore për të luftuar kryengritjen, raporton aljazeera.

“Ne do t’i vendosim vlerat tona përpara dhe në qendër për të ofruar për popujt britanikë dhe amerikanë”, tha Sunak në fillim të bisedimeve me Biden.

Ndërkohë, Biden e përshkroi marrëdhënien “speciale” midis dy aleatëve si “në gjendje të mirë”.

Britania e Madhe do të organizojë gjatë këtij viti samitin e parë në botë për AI, të cilën e ka përkrahur edhe SHBA-ja. /Telegrafi/