Adreas Christensen është duke kërkuar largimin nga skuadra e Chelseat.
Mbrojtësi i talentuar danez ishte titullar i padiskutueshëm edicionin e kaluar nën urdhrat e Antonio Contes.
Por me ardhjen e Maurizio Sarrit në krye të skuadrës, gjërat kanë ndryshuar për të keq për danezin.
22-vjeçari nuk ka luajtur ende asnjë ndeshje në kampionat, duke u aktivizuar vetëm në Ligën e Evropës dhe në Kupën e Anglisë.
Kjo situatë nuk po i pëlqen mbrojtësit të talentuar dhe ka kërkuar largimin nga Londra gjatë afatit kalimtar të janarit.
(Photo by Bryn Lennon/Getty Images)
Daily Star ka raportuar se e ardhmja e danezit mund të jetë në Francë ose Itali.
Roma dhe Monaco janë dy skuadrat që kanë shprehur interesim për shërbimet e tij.
Por për ta lënë të lirë reprezentuesin danez, Chelsea po kërkon rreth 30 milionë euro.
Christensen ka kontratë me londinezët deri në qershor të vitit 2022. /Telegrafi/
