Londinezët e Chelseat kanë gjetur formën pasi në 1/8 e FA Kupës kanë mposhtur Hull Cityn me rezultat 4-0.
Djelmoshat e Antonio Contes e kanë mbyllur ndeshjen që në pjesën e parë duke shënuar të gjitha golat.
Ndeshjen e hapi Willian me një gol të bukur nga jashtë zonës të shënuar që në minutë e dytë të ndeshjes.
Nuk vonoi shumë dhe shënoi edhe Pedro që ngriti rezultatin në 2-0.
Willian gjeti golin e dytë personal dhe të tretin për Chelsean, që ishte më i bukur edhe se i pari.
Pjesën e parë e mbylli aksioni shumë i bukur i dyshes që u transferuan në dimër, Emerson dhe Giroud, ku francezi shënoi nga një pozitë e vështirë.
Në pjesën e dytë Hull City kishte rastin ta shënonte golin e nderit, por që Meyler gaboi nga pika e bardhë.
Chelsea pas kësaj fitoreje kalon në çerekfinale të FA Kupës. /Telegrafi/
