Chelsea ka gati 65 milionë euro për Perisicin

Chelsea thuhet se është gati të bëjë një ofertë prej 65 milionë euro për lojtarin shumë të kërkuar të Interit, Ivan Perisic.

Pas raportimeve se Manchester United e sheh mesfushorin kroat si prioritet këtë verë dhe po rreshtohet pas një oferte prej 60 milionë eurove, tani mediat italiane raportojnë se “Djajtë e Kuq” do ta kenë një rival të fortë për shërbimet e tij.

Lexo po ashtu Perisic te United për 60 milionë euro, Interi me këto para dy super transferime

Sipas mediumit italian Corriere della Sera, homologët e tyre nga Londra, Chelsea janë gati të shkojnë me ofertë më të mirë, me 65 milionë euro që thuhet se janë në tavolinë, përcjell Telegrafi.

Nerazzurrët thuhet se janë të gatshëm të bëjnë një shitje të madhe këtë verë, duke e liruar klubin nga rregullat financiare të Fair Play përpara një investimi të madh në skuadër të planifikuar për këtë verë.

Lexo po ashtu Chelsea gati t'i paguajë 100 milionë funte për Lukakun, por Everton dëshiron ta shes tek rivalët e tyre

Pavarësisht formës së mirë të 28-vjeçarit këtë sezon, gjigantët e San Siro pothuajse do të linin lojtarin nëse do të merrnin oferta të tilla të larta nga Liga Premier në fund të sezonit.

Ndryshe, Perisic erdhi tek Nerazzurrët nga Wolsburgu për një shifër prej rreth 20 milionësh dhe ky do të ishte një biznes shumë i mirë në rast shitje. /Telegrafi/