Chelsea identifikon alternativën e Osimhen dhe Toney, ka shënuar 15 gola në 18 ndeshje

Chelsea po kërkon të nënshkruajë me një sulmues në afatin kalimtar të dimrit dhe tashmë ka identifikuar lojtarin ideal.

Sipas mediumit The Guardian, zbarkimi i secilit prej objektivave të tyre kryesorë – Victor Osimhen dhe Ivan Toney – është i pamundur në janar.

Blutë do të duhet të paguajnë shumë para, ndërkohë që do të duhet t’i ofrojnë edhe rroga të mëdha nigerianit apo anglezit. Kjo do ta shohë klubin të thyejë rregullat e Fair Play Financiar.

Pra, një alternativë ka dalë dhe është sulmuesi i Sporting Lisbonës, Viktor Gyokeres.

25-vjeçari ka shënuar 14 gola dhe 5 asistime në 17 paraqitje në të gjitha garat deri më tani duke u bërë emër i preferuar i klubit londinez.

Suedezi iu bashkua Sportingut këtë verë me një tarifë prej 24 milionë euro. Nuk është e qartë se sa do të kërkojë ekipi portugez për Gyokeres, por ai gjithashtu nuk do të jetë i lirë.

Çuditërisht, sulmuesi luajti për Brighton. Ai kaloi tre vjet me ‘Pulëbardhat’, duke bërë vetëm tetë paraqitje ndërmjet huazimeve të ndryshme. /Telegrafi/