Çfarë thanë liderët botërorë pas sulmit të Iranit ndaj Izraelit?

Udhëheqësit globalë kanë dënuar me shpejtësi veprimet e Teheranit, duke kërkuar përmbajtje për të shmangur përshkallëzimin e mëtejshëm.

Në përgjigje të sulmeve të fundit me dronë nga Irani ndaj Izraelit, liderët nga e gjithë bota kanë lëshuar një valë të fortë dënimi.

Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, tha se Bashkimi Evropian dënon fuqishëm sulmet e Iranit ndaj Izraelit.

Lexo po ashtu Sulmi i Iranit ndaj Izraelit - të gjitha zhvillimet, minutë pas minute

“Ky është një përshkallëzim i paprecedentë dhe një kërcënim i rëndë për sigurinë rajonale”, shkroi Borrell në X, përcjell Telegrafi.

The EU strongly condemns the unacceptable Iranian attack against Israel.

This is an unprecedented escalation and a grave threat to regional security.

— Josep Borrell Fontelles (@JosepBorrellF) April 13, 2024

Ndërsa presidenti i SHBA-së, Joe Biden, i cili u kthye herët nga një udhëtim i fundjavës për të monitoruar ngjarjet në Lindjen e Mesme nga Shtëpia e Bardhë, përsëriti mbështetjen e tij për Izraelin.

I just met with my national security team for an update on Iran’s attacks against Israel. Our commitment to Israel’s security against threats from Iran and its proxies is ironclad. pic.twitter.com/kbywnsvmAx

— President Biden (@POTUS) April 13, 2024

Ai përmendi se kishte thirrur një takim me ekipin e tij të sigurisë kombëtare për të diskutuar zhvillimet e fundit.

Në një postim në X, Biden tha: “Sapo u takova me ekipin tim të sigurisë kombëtare për një përditësim mbi sulmet e Iranit kundër Izraelit. Përkushtimi ynë për sigurinë e Izraelit kundër kërcënimeve nga Irani dhe përfaqësuesit e tij është i hekurt”.

Sekretari i Përgjithshëm i OKB-së, António Guterres bëri thirrje për një ndërprerje të menjëhershme të këtyre armiqësive.

I strongly condemn the serious escalation represented by the large-scale attack launched on Israel by Iran.

I call for an immediate cessation of these hostilities.

Neither the region nor the world can afford another war. https://t.co/Kmbt3zWMw7

— António Guterres (@antonioguterres) April 14, 2024

“As rajoni dhe as bota nuk mund të përballojnë një luftë tjetër”, paralajmëroi ai në deklaratën e tij.

Lexo po ashtu Pamje që thuhet se tregojnë shpërthime teksa mbrojtja ajrore izraelite po “përgjonte” dronët e Iranit

“Jam thellësisht i alarmuar për rrezikun shumë real të një përshkallëzimi shkatërrues në mbarë rajonin. U bëj thirrje të gjitha palëve të ushtrojnë përmbajtje maksimale për të shmangur çdo veprim që mund të çojë në konfrontime të mëdha ushtarake në fronte të shumta në Lindjen e Mesme”, thuhet në deklaratën e tij.

Kryeministri i Mbretërisë së Bashkuar, Rishi Sunak theksoi: “Unë dënoj në termat më të ashpër sulmin e pamatur të regjimit iranian kundër Izraelit. Irani ka treguar edhe një herë se synon të mbjellë kaos…”.

Read my statement on the Iranian regime’s reckless attack against Israel. pic.twitter.com/xeuR3cd3kG

— Rishi Sunak (@RishiSunak) April 13, 2024

Ndërkohë ministri i Jashtëm francez Stephane Sejourne tha: “Franca dënon në termat më të ashpër sulmin e nisur nga Irani kundër Izraelit. Duke vendosur për një veprim të tillë të paprecedentë, Irani po ndërmerr një hap të ri në veprimet e tij destabilizuese dhe po merr rrezikun e një përshkallëzimi ushtarak”.

La France condamne avec la plus grande fermeté l’attaque déclenchée par l’Iran contre Israël.

En décidant d’une telle action sans précédent, l’Iran franchit un nouveau pallier dans ses actions de déstabilisation et prend le risque d’une escalade militaire.

1/2

— Stéphane Séjourné (@steph_sejourne) April 13, 2024

Zëvendëskryeministri dhe ministri i Jashtëm i Italisë, Antonio Tajani, përmendi se është në kontakt të ngushtë me ambasadorët në Teheran dhe Tel Aviv, duke shtuar se “Ne kemi folur me Kryeministrin dhe Ministrin e Mbrojtjes. Qeveria është e përgatitur të trajtojë çdo skenar”.

Seguiamo con attenzione e preoccupazione quanto sta accedendo in Medio Oriente. Sono in costante contatto con le Ambasciate d’Italia a Tel Aviv e a Teheran. Sentiti il Presidente del Consiglio e il Ministro della Difesa, il Governo è pronto a gestire qualsiasi tipo di scenario.

— Antonio Tajani (@Antonio_Tajani) April 13, 2024

Kryeministri në detyrë i Holandës, Mark Rutte, tha se situata në Lindjen e Mesme është shumë shqetësuese, duke vënë në dukje: “Më herët sot, Holanda dhe vendet e tjera i dërguan një mesazh të qartë Iranit që të ndalojë sulmin ndaj Izraelit”.

Very concerning situation in the Middle East. Earlier today the Netherlands and other countries told Iran loud and clear to refrain from attacking Israel. The Netherlands strongly condemns Iran’s attack on Israel. Further escalation must be avoided. I just spoke with @DefensieMin…

— Mark Rutte (@MinPres) April 13, 2024

“Holanda dënon fuqishëm sulmin e Iranit ndaj Izraelit. Përshkallëzimi i mëtejshëm duhet të shmanget. Ne vazhdojmë të monitorojmë situatën nga afër,” shtoi Rutte.

Lexo po ashtu Ekspertët e mbrojtjes tregojnë se çfarë hapash mund të ndërmarrë Izraeli, pas sulmeve nga Irani

“Ne dënojmë fuqishëm sulmin e vazhdueshëm, i cili mund të zhysë një rajon të tërë në kaos. Irani dhe përfaqësuesit e tij duhet ta ndalojnë këtë menjëherë. Izraeli ka solidaritetin tonë të plotë në këtë kohë”, ka thënë ministrja e Jashtme e Gjermanisë, Annalena Baerbock.

Iran hat Drohnen & Raketen auf Israel abgeschossen. Wir verurteilen den laufenden Angriff, der eine ganze Region ins Chaos stürzen kann, aufs Allerschärfste. Iran & seine Proxies müssen diesen sofort einstellen. Israel gilt in diesen Stunden unsere ganze Solidarität.

— Außenministerin Annalena Baerbock (@ABaerbock) April 13, 2024

Gjithashtu, kryeministri kanadez Justin Trudeau bëri të ditur se kombi i tij “dënon pa mëdyshje sulmet ajrore të Iranit kundër Izraelit”.

Lexo po ashtu Sulmi i Iranit ndaj Izraelit – pse ky moment është më i rrezikshmi deri më tani?

“Ne qëndrojmë me Izraelin. Pas mbështetjes së sulmit brutal të Hamasit të 7 tetorit, veprimet e fundit të regjimit iranian do të destabilizojnë më tej rajonin dhe do ta bëjnë paqen e qëndrueshme më të vështirë”, tha Trudeau në një deklaratë.

“Ne mbështesim të drejtën e Izraelit për të mbrojtur veten dhe popullin e tij nga këto sulme”. /Telegrafi/