Çfarë i ndodh trupit dhe trurit kur jeni duke humbur peshë

Për çdo 5 kilogramë që i humbni, një pjesë e madhe e tyre largohen përmes frymëmarrjes dhe pjesa tjetër konvertohet në djersë, lot, urinë dhe lëngje tjera të trupit.

Por, humbja e peshës nuk ka të bëjë vetëm me largimin e dhjamit në shpinë apo bark, pasi që gjatë këtij procesi trupi kalon përmes shumë ndryshimeve, transmeton Telegrafi.

Nivelet e energjisë ju rriten

Gjëja e parë që e përjetoni pasi t’i hiqni disa kilogramë është rritja e energjisë. Arsyeja është e thjeshtë – aq më pak peshë që bartni, aq më shumë energji ruani për gjëra më të rëndësishme.

Kujtesa përmirësohet

Truri është një organ tjetër që përfiton nga humbja e peshës. Disa studime tregojnë se largimi i dhjamit të tepërt mund t’i përmirësojë aftësitë kognitive që ndërlidhen me planifikimin, strategjinë dhe organizimin.

Pas humbjes së peshës, truri gjithashtu bëhet më aktiv kur i ruan memoriet e reja.

Lëkura pastrohet

Rrugëtimi i humbjes së peshës ju sjell edhe një bonus ekstra – jo vetëm se do të ndiheni më të shëndetshëm, por edhe do të dukeni më të shëndetshëm sepse lëkura pastrohet, flokët gjithashtu trashen dhe thonjtë forcohen.

Keni më pak dhimbje koke

Ndonëse mbipesha nuk i nxitë në mënyrë direkte dhimbjet e kokës, faktikisht e rritë rrezikun e migrenës për 50%. Ekspertët sugjerojnë se qelizat yndyrore e rrisin sasinë e inflamacionit në trup. Në disa raste, ky inflamacion mund të shkaktojë migrenën, prandaj humbja e peshës mund të reduktojë në shpeshtësinë e dhimbjeve të kokës. /Telegrafi/