Çfarë dihet deri më tani rreth të ardhmes së Cristiano Ronaldos

Ka shumë raportime të ndryshme dhe konfuze për të ardhmen e Cristiano Ronaldos, duke e parë atë në Juventus, Real Madrid, PSG ose Manchester City, por të gjithë kanë një gjë të përbashkët.

Kontrata e sulmuesit në Torino do të përfundojë në qershor të vitit 2022 dhe asnjëra palë nuk duket se ka ndërmend të nënshkruajë një rinovim.

E tëra që mbetet për t’u parë është nëse CR7 do të shohë marrëveshjen me Juven të skadojë apo të përfundojë një transferim këtë verë.

Lexo po ashtu Përgënjeshtrohen lajmet nga Ancelotti: Nuk e kam kërkuar rikthimin e Ronaldos

Raportimet e ndryshme nga Italia, Spanja, Franca dhe Portugalia kanë skenarë krejtësisht të ndryshëm dhe disa tashmë janë hedhur poshtë.

Tuttosport pohon sot se Ronaldo ka më shumë gjasa se kurrë të mbetet në Juventus për pjesën tjetër të kontratës së tij.

Në të njëjtin mëngjes, Corriere dello Sport shkroi në ballinën e tyre që reprezentuesi portugez i kishte ofruar shërbimet e tij te Manchester City përmes agjentit Jorge Mendes.

Lexo po ashtu El Chiringuito: Ancelotti e kërkon rikthimin e Ronaldos te Real Madridi

Kjo do të kishte kuptim, pasi City po kërkon me dëshpërim një qendërsulmues dhe është gati të shpenzojë 150 milionë euro për Harry Kanen e Tottenham Hotspurit.

Besohet gjerësisht se Juve do ta lërë Ronaldon të shkojë për 30 milionë euro, prandaj duke siguruar që ata nuk do të kenë humbje në transferimin e tij, dhe do të jenë të kënaqur të heqin dorë nga paga e tij e majme prej 30 milionë euro në sezon.

Ndërkohë, kishte sugjerime në Francë dhe në të vërtetë nga Angel Di Maria që PSG mund të përpiqej të shkonte për Ronaldon në mënyrë që të formonte super partneritetin me Lionel Messin, por vetëm nëse Kylian Mbappe do të kalonte te Real Madridi.

Lexo po ashtu Deri më tani, askush se do Cristiano Ronaldon

Emisioni televiziv spanjoll El Chiringuito pohoi se ishte në fakt Ronaldo ai që do të kthehej në Real Madrid për një ribashkim me ish-trajnerin e tij Carlo Ancelotti.

Sidoqoftë, këtë pasdite Ancelotti konfirmoi përmes mediave sociale se ai “kurrë nuk ka kërkuar ose planifikuar të nënshkruajë me të këtë verë”.

Pas atij komenti, gazeta spanjolle Diario AS pohoi se Jorge Mendes kishte ofruar Ronaldon te Merengues për ca kohë, por ata nuk janë të interesuar për një kapitull të dytë.

Lexo po ashtu As Roy Keane nuk mund t’i rezistojë debatit rreth Cristiano Ronaldos e Lionel Messit – legjenda tregon se cili është më i miri

Të gjitha këto histori duket se kanë një fije të përbashkët, do të thotë se e ardhmja e Ronaldos nuk varet kryesisht nga agjencia e tij, por se si lëvizin gjërat në tregun e transferimeve.

Nëse Manchester City nuk mund të marrë Kanen, nëse Real Madrid nuk mund të marrë Mbappen ose nëse PSG e humbet lojtarin e francez, të gjithë mund të hidhen në sulm për pesë herë fituesin e Topit të Artë. /Telegrafi/