Çertifikata të reja fito për mbrojtje më të madhe të prodhimtarisë vendore

Mbrojtje më e madhe prodhimtarisë bimore vendore, është shkaku që Maqedonia nga 1 qershorit do të fillojë të jep certifikata të reja fito, përcjell Telegrafi Maqedoni.

Certifikatat e reja dallohen nga ato parapraket sipas përpilimit specifik i cili i barazon në zero mundësitë për keqpërdorim të mundur, ndërsa krahas informacioneve themelore, të shfaqura në gjuhën maqedonase edhe në pesë gjuhë të tjera, kanë vulë uji dhe hologram në stemën e Inspektoratit Shtetëror për Bujqësi.

“Certifikatat e reja do të mundësojnë mbrojtje maksimale të prodhimtarisë bimore vendore. Janë shtypur në letër 90 gramëshe dhe me ato konfirmohet cilësia dhe origjina e prodhimeve gjatë eksportit dhe rieksportiti”, theksoi sot në konferencën për media drejtori i Inspektoratit Cvetan Tripunovski.

Vitin e kaluar, informon janë dhënë 24.000 certifikata prej të cilave 20.000 për eksport dhe 4.000 për rieksport, që do të thotë se janë eksportuar 27.712 dërgesa me peshë të përgjithshme prej 360.000 tonë, 4.000.000 fidanë dhe 6.616 metër kub material druri. Vitin e kaluar janë rieksportuar edhe 5.000 lloje prodhimesh me peshë prej 60.000 tonë. /Telegrafi/