Carvajal: Mbappe është shumë i mirë dhe mund të veshë fanellën e Real Madridit në të ardhmen

Dani Carvajal ka diskutuar për mundësinë që Kylian Mbappe të transferohet në Real Madrid sezonin e ardhshëm, me kontratën e sulmuesit francez me Paris Saint-Germain që skadon në fund të qershorit.

Dy skuadrat do të përballen me njëra-tjetrën në 1/16-tën e Ligës së Kampionëve.

PSG do të presë Real Madridin më 15 shkurt, ndërsa ndeshja e kthimit është planifikuar të zhvillohet më 9 mars në Santiago Bernabeu.

Lexo po ashtu Arrihet marrëveshja mes palëve, Mbappe pajtohet me kushtet e Realit - paga e tij vjetore do të jetë marramendëse

Sulmuesi francez, Mbappe është emri që ka futur dy klubet në ‘luftë’ me njëra-tjetrën edhe më shumë dhe së fundmi Carvajal i ka shtuar “benzinë zjarrit” mbi të ardhmen e francezit.

“Mbappe është një lojtar shumë, shumë i mirë, emri i të cilit është dëgjuar për ekipin tonë për shumë vite”, ka thënë fillimisht Carvajal për Onda Cero.

Lexo po ashtu Pique i kërkon Haalandit të mos nënshkruajë për të njëjtin ekip si Mbappe, shpjegon edhe arsyen

“Duket se kontrata e tij me PSG-në po përfundon dhe mund të ndodhë që në të ardhmen ai të veshë fanellën tonë”.

“Por, unë po ju them, tani ai është një lojtar i PSG-së dhe ata janë rivalët tanë, kështu që i vetmi mendim që kam është ta mbroj atë mirë në fushë. Nëse unë luaj dhe ai luan, ne duhet të luajmë në të njëjtin krah”, përfundoi spanjolli. /Telegrafi/