Cana për takimin Marseille-Lazio: Zemrën e kam të ndarë mes dyja skuadrave

Marseille dhe Lazio do të takohen gjatë ditës së nesërme në kuadër të Ligës së Evropës.

E ish-futbollisti shqiptar ka vlerësuar te dyja skuadrat pasi që gjatë karrierës ka qenë pjesë e tyre.

Lorik Cana ka folur për Radiosei duke thënë se zemrën e ka ndarë mes Lazios dhe Marseilles.

“Zemrën e kam të ndarë mes Lazios dhe Marseilles. Të dyja i kam ndjekur këto vite. Lazio ka lojtarë të mirë dhe edhe këtë vit synon të zë një pozitë që e dërgon në Ligën e Kampionëve”.

“Marseille ka ndryshuar shumë. Janë të fortë e synojnë zonën e Ligës së Kampionëve. Stadiumi Velodrom është një ambient magjik, tifozët janë mjaft të zjarrtë”.

“Do të jetë ndeshje e tensionuar dhe OM do të bëjë gjithçka të fitojë, edhe pse nuk do ketë fansa në stadium. Por e pranoj, zemra ime është më afër francezëve”, tha shqiptari.

Ai më pas tregoi planet për të ardhmen, ku ka dëshirë që të blejë një klub, por zbulon se për momentin është ende në negociata.

Ndryshe, ballafaqimi mes dyja skuadrave do të zhvillohet nesër (e enjte), me fillim në ora 21:00. /Telegrafi/