Cana ndjek nga afër super derbin në Shqipëri

Ish-kapiteni legjendar i Shqipërisë, Lorik Cana po kalon disa ditë në vendlindje.

Ai ka ndjekur nga afër edhe ndeshjen derbi mes Partizanit dhe Skënderbeut, dy skuadra pretendente për titull.

Në fund triumfuan vendasit me rezultat minimal 1-0, falë një goli nga Idi Batha.

Cana ka folur për Supersport rreth ndeshjes së zhvilluar mes dy ekipeve të mëdha shqiptare.

“U kombinuan shumë gjëra, prezenca ime këtu që do të qëndroj në Shqipëri për disa javë. Gjeta edhe kohën për të ndjekur për herë të parë një ndeshje të kampionatit shqiptar”.

“Sa herë që kemi qenë të grumbulluar me Kombëtaren, jam detyruar gjithmonë të largohem shpejt dhe e shfrytëzova këtë mundësi”.

“Është një ndeshje ndërmjet dy pretendentëve për titull. Është hera e parë e parë që janë disa skuadra në garë. Janë dy skuadra me shumë cilësi në fushë, ndërsa njoh mjaft persona nga të dyja skuadrat”.

Ai në fund ka treguar edhe skuadrën e zemrës në troje shqiptare duke konfirmuar se është tifoz i madh i Vëllaznimit të Gjakovës.

“Në trojet shqiptare bëj tifo për Vëllaznimin e Gjakovës, por duke qenë se ata nuk luajnë në Kategorinë Superiore do ta shoh ndeshjen si spektator”, deklaroi Cana. /Telegrafi/