“Camp Nou” është ‘shndërruar’ në një makth për Barcelonën – mposhtet nga Vallecano

Tjetër ndeshje në shtëpi, tjetër humbje për Barcelonën. Blaugranasit janë mposhtur kësaj radhe në “Camp Nou” nga Rayo Vallecano në ndeshjen e zhvilluar në kuadër të javës së 33-të në La Liga me rezultat 1-0.

Pas vetëm shtatë minutash lojë, mysafirët kaluan në epërsi me anë të Alvaro Garcias, që pranoi një asistim prej Palazon.

Më pas, Barcelona ia doli t’i barazonte shifrat në 1-1, mirëpo fati nuk ishte në anën e tyre, shkaku që VAR-i e përjashtoi golin e Ferran Torres për pozicion jashtë loje.

Min.6 ⚡⚽ GOOOOOOOOOOOOOOOOOOOOOOOOOOOOOOOOOOOOOOOOOOOOL de Álvaro (0-1)#BarçaRayo #VamosRayo pic.twitter.com/kmsQnm18N2

— Rayo Vallecano (@RayoVallecano) April 24, 2022

Në 45 minutat e dytë, skuadra katalunase nuk është se ofroi shumë, për nga numri i rasteve serioze, derisa mysafirët mund të kishin shënuar edhe golin e dytë.

Vallecano po mbrohej shumë mirë dhe tashmë vërehej se synimi i tyre ishte vetëm ruajtja e epërsisë.

⚡️ Últimos 10 minutos, más añadido, en el Camp Nou (0-1).
¡Vaaaaaaaaaamos Rayoooo!#BarcaRayo pic.twitter.com/LJqharUEXH

— Rayo Vallecano (@RayoVallecano) April 24, 2022

Por, ky ngurrim i tyre aq i madh, i kushtoi me karton të kuq trajnerit Andoni Iraolas (86’), pas një proteste të ashpër në një vendim të gjyqtarit.

Barcelona më pas tentoi që ta merrte së paku një pikë nga ky takim nga 11 minuta lojë shtesë, por Vallecano nuk la asnjë korridor hapur, sa që ishte e pamundur që sulmuesit katalunas ta shënjëstronin saktë portën.

Pas javës së 33-të, Barcelona vazhdon në vendin e dytë me 63 pikë, aq sa ka edhe Sevilla në të tretin, ndërsa në xhiron e 34-të, Blaugranasit takohen me Mallorcan. /Telegrafi/