Cameron Diaz dhe bashkëshorti i saj Benji Madden u fotografuan në një shëtitje të qetë me djalin e tyre, Cardinal, në rrugët e New York City, të enjten.
Çifti i njohur, që festoi 10-vjetorin e martesës në janar, u duk i lodhur, por i përkushtuar ndaj kujdesit për fëmijët e tyre.
Aktorja 53-vjeçare shfaqi stilin e saj të thjeshtë dhe elegant, me një kombinim “denim mbi denim”, ndërsa mbante një gotë udhëtimi dhe ecte pranë muzikantit 46-vjeçar të Good Charlotte, i cili shtynte karrocën e djalit të tyre njëvjeçar. Çifti ka gjithashtu një vajzë pesëvjeçare, Raddix, shkruan DailyMail.
Dalja publike erdhi vetëm pak ditë pas rikthimit të tyre në sy të publikut, pas më shumë se një viti mungesë.
Lajmin për lindjen e Cardinal ata e ndanë në pranverën e vitit 2024 përmes një postimi në Instagram, ku theksuan se për arsye privatësie nuk do të publikojnë fotografi të fëmijës.
Ndërkohë, Diaz pritet të rikthehet në aktrim me projektin e madh “Shrek 5”, i cili është shtyrë për verën e vitit 2027.
Filmi i animuar i DreamWorks do të shfaqet më 30 qershor 2027, duke shmangur kështu konkurrencën e fortë të sezonit të festave.
Madden, nga ana tjetër, vijon aktivitetin muzikor dhe së fundmi ka folur hapur për jetën familjare, duke e cilësuar bashkëshorten e tij si “mbretëreshë” dhe duke pranuar me humor se i frikësohet asaj “në mënyrën më të mirë”. /Telegrafi/
