Hakan Calhanoglu ka mundur të largohet nga Milani gjatë afatit kalimtar të verës.
Ylli turk kishte një ofertë nga Juventusi, por ka refuzuar kalimin te kampioni në fuqi i Italisë.
Zonja e Vjetër kishte biseduar me Milanin, por në fund nuk arritën ta bindin turkun për një lëvizje drejt Torinos.
Ka qenë e përditshmja gjermane Sport Bild që ka raportuar se torinezët kanë bërë përpjekje të mëdha për transferimin e Calhanoglus, por nuk ia kanë arritur ta bindin atë.
E vërteta e refuzimit të Juventusit është se Calhanoglu synon që karrierën ta vazhdoj në elitën e futbollit anglez.
Manchester United pritet të jetë skuadra e ardhshme e lojtarit, pasi Djajtë e Kuq janë të gatshëm t’i ofrojnë pagë vjetore prej pesë milionë euro në sezon, dyfishin e asaj që fiton te Milani.
United do të tentojë transferimin e lojtarit në janar, por nëse Milani nuk e lejon atëherë do ta marrin në verë si transferim të lirë.
Përveç Juventusit, Calhanoglu ka refuzuar edhe skuadra tjera si Schalke 04, RB Leipzig e Hertha Berlin gjatë verës. /Telegrafi/
