Caktohet data e re e meçit mes Tyson Fury dhe Oleksandr Uysk

Është caktuar sërish data e meçit të peshave të rënda në boks mes Tyson Furyt dhe Oleksandr Uyskut.

I cilësuar si “meçi i shekullit”, ishte paraparë të zhvillohej më 17 shkurt, por u shty për shkak të një lëndimi të Furyt, ndërsa tani është caktuar me 18 maj.

Kampioni i WBC-së, Fury, do të luftojë me mbajtësin e titujve WBO, WBA dhe IBF, Usyk, në Arabinë Saudite.

Sipas deklaratës nga promotori, çarja e vetullës kërkon disa qepje të rëndësishme, “prandaj është vendosur që meçi të shtyhet”.

E një ditë pas vendimit për shtyrje, boksierët kanë konfirmuar se janë pajtuar për datën e re.

Duke folur për lëndimin, Fury ka thënë se po ushtronte me katër njerëz në të njëjtën kohë dhe se ishte detyruar të çepte vetullën për shkak të çarjes.

Lexo po ashtu Shtyhet “meçi i shekullit” mes Tyson Fury dhe Olseksandr Usyk

Ndërsa ekipi i boksierit ukrainas ka akuzuar britanikun se është i frikësuar, por kjo është kundërshtuar nga Fury duke shkaktuar debat të nxehtë.

Fituesi i këtij meçi do të bëhet kampioni i parë i padiskutueshëm i peshave të rënda që kur Lennox Lewis mposhti Evander Holyfieldin më 1999.

Lexo po ashtu Tyson Fury thyen heshtjen pas shtyrjes së meçit ndaj Usyk, tregon lëndimin në fytyrë

Fury ka bilanc prej 34 fitoreve e një barazimi, ndërsa Usyk i ka fituar 21 meçet e deritashme në boks profesionist./Telegrafi/