Bruno Fernandes i vendos një kusht interesant Mancester Unitedit për të nënshkruar kontratën e re

Bruno Fernandes do të angazhohet për të nënshkruar një kontratë të re me Manchester Unitedin vetëm nëse Paul Pogba bën të njëjtën gjë.

Portugezi pëlqen të luajë për Unitedin dhe dëshiron të fitojë trofe të mëdhenj me klubin nga Old Trafford.

Unitedi iu afrua 26-vjeçarit në fillim të marsit për një kontratë të re pesë-vjeçare me vlerë 200 mijë funte në javë.

Lexo po ashtu Roy Keane shfaq dobësitë e Bruno Fernandesit - lojtar i penalltive, jo i ndeshjeve të mëdha

Por, Fernandes ka thënë në atë kohë se ai dëshironte të priste dhe të shikonte cilat ishin ambiciet e klubit në tregun e transferimeve verën e tij, me të tjerët si Erling Haaland dhe Jadon Sancho të lidhur me klubin.

Sipas mediumit The Sun, tani mesfushori kreativ dëshiron garanci mbi të ardhmen e Pogbas, për të rinovuar kontratën e tij.

Bruno Fernandes WILL sign new Man Utd deal and stay at Old Trafford… but only if Paul Pogba does the same https://t.co/NPbJOxZ3xL

— The Sun – Man Utd (@SunManUtd) April 21, 2021

Marrëdhënia midis Pogbas dhe Fernandes ka lulëzuar në javët e fundit dhe miqësia e tyre veçse është rritur.

Ky i fundit deklaroi këtë javë se Pogba e bëri atë një lojtar më të mirë dhe se dyshja mund të bënte ‘shumë më mirë së bashku’.

Mbetet të shihet nëse ylli i Francës, Pogba ndjen të njëjtën gjë.

Fituesi i Kupës së Botës është jashtë kontratës në vitin 2022, por ka pasur raporte të ndryshme për atë që ai dëshiron të bëjë me të ardhmen e tij.

Juventusi dhe Real Madridi janë lidhur prej kohësh me transferimin e 28-vjeçarit. /Telegrafi/