Bruno Fernandes i ofrohet Real Madridit përmes agjentin Mendes

Sporting Lisbon është në kërkim të një blerësi që mund të përputhet me kërkesat e tyre dhe për këtë e ka kontaktuar Real Madridin përmes agjentit Jorge Mendes, për yllin e tyre Bruno Fernandes.

Klubi portugez kërkon 70 milionë euro për yllin e tyre më të madh, i cili ka qenë një objektiv kryesor i disa klubeve këtë verë, dhe e ka punësuar Jorge Mendes për t’i ndërmjetësuar negociatat.

Pas bisedimeve frustruese me Manchester United dhe Tottenham ku nuk u realizuan transferimi para mbylljes së afatit kalimtar, bordi i Sporting ka ngarkuar me detyrë Mendes të gjejë oferta që plotësojnë kërkesat e tyre.

Një nga klubet me të cilin Sporting ka kontaktuar përmes ‘super-agjentit’ Mendes është Real Madrid.

Klubi është informuar se çmimi prej 70 milionë eurosh është i panegociueshëm, gjë që ka bërë të refuzohet oferta e Tottenham prej 60 milionë eurove.

16 – Bruno Fernandes has either scored or assisted in 16 of his last 19 Primeira Liga games with Sporting CP. Maestro. pic.twitter.com/U1IzntBIfk

— OptaJoao (@OptaJoao) August 21, 2019

Fernandes shënoi 32 gola në 53 ndeshje sezonin e kaluar për tu bërë mesfushori me më shumë gola në ligat kryesore evropiane. /Telegrafi/