Britney Spears tregon pse balluket janë kaq të rëndësishme për të!

Britney Spears-in të gjithë e kujtojmë si një ikonë, por jo gjithnjë princesha e pop-it ka patur të njëjtin vlerësim për veten

Disa orë më parë, Britney përmes një postimi në Instagram foli për pasiguritë e saj dhe për komplekset që kishte në lidhje me pamjen.

“Nuk kisha më baluke që nga klasa e tretë dhe më kujtohet si sot…Ka qenë diçka shumë e madhe për mua të ekspozoj ballin. Vetëm njerëzit e bukur në jug e bënin këtë dhe unë s’jam ndjerë ndonjëherë e tillë, prandaj s’isha e gatshme ta zbuloja. Kisha dhëmbë të shëmtuar dhe ndihesha si rosaku i shëmtuar. Mbaj mend që kam bërë një takim në një agjensi modelesh, por s’ndihesha fare e lezetshme, prandaj shkova në shtëpi dhe i thashë: “Ndoshta mund të bëhem dhe unë si vajzat e mëdha dhe të zbuloj ballin…Kështu bëra, por dukesha një tmerr edhe pse asokohe më pëlqente vetja. Ndoshta thellë thellë e dija që s’ngjaja bukur, por mendova të kundërtën meqë dukesha “cool”.

View this post on Instagram

A post shared by Britney Spears (@britneyspears) on May 18, 2020 at 4:36pm PDT

Shkak për një rrëfim kaq të ndjeshëm u bënë baluket që këngëtarja ka sot. Kurrë s’do t’ja kishte marrë mendje që baluket e famshme do ta bënin të dukej shumë herë më të re.

“Njerëzit zgjedhin mënyra të ndyshme për të mbrojtur veten. Kur vë baluket para fytyrës, ndihem e mbrojtur, njësoj siç ndihesha në klasë të 3-të.”- përfundon ylli i muzikës.

Në fakt, nëse e shihni mirë nuk ka asgjë që nuk shkon me ballin e saj perfekt, por nëse dhe Britney e ka quajtur dikur veten “rosak i shëmtuar”, duhet ta pranojmë faktin se të gjithë, në një moment a një tjetër kanë pasiguritë e tyre.