Braithwaite kërkon 5 milionë euro nga Barcelona për të shkëputur kontratën

Trajneri i Barcelonës, Xavi Hernandez, këtë sezon nuk llogarit në sulmuesin danez Martin Braithwaite dhe dëshiron ta heqë qafe, por ai kërkon 5 milionë euro për të shkëputur kontratën.

Braithwaite nuk udhëtoi me Barcelonën në turneun amerikan parasezonal dhe as nuk ishte në listën e lojtarëve të ftuar për dy ndeshjet e para të La Ligas. Mallorca është në bisedime me klubin katalanas dhe është e interesuar për shërbimet e tij.

Megjithatë, ende nuk ka marrëveshje, pasi futbollisti danez kërkon 5 milionë euro dëmshpërblim për të pranuar të heqë dorë nga dy vitet e mbetura të kontratës.

E ardhmja e tij aktualisht është e pasigurt dhe kjo është diçka që shqetëson Barçën me kalimin e kohës.

Klubi kishte oferta në të kaluarën, por sulmuesi refuzoi të largohej. Këtë verë ai ishte gati ta bënte këtë, por jo pa kompensim.

Braithwaite mbërriti te Barca nga Leganes në shkurt 2020, dhe që atëherë ai ka bërë 58 paraqitje dhe ka shënuar 10 gola.

🇩🇰5 Million Euros❗️
The club has told Braithwaite to find himself a club since the start of the season. He has decided to wait it out and now has told the club to pay him 5 Million Euros to terminate his contract.#Barca pic.twitter.com/ianDuYCSJv

— Elvis Rolando (@elvis_10G) August 25, 2022

Në atë kohë, klubi katalanas aktivizoi një klauzolë blerjeje prej 18 milionë eurosh në kontratën e tij për të forcuar sulmin e tyre pasi Luis Suarez dhe Ousmane Dembele u lënduan. /Telegrafi/