“Bomba” e afatit kalimtar veror: Barcelona bën hapat e parë drejt transferimit të Bruno Fernandes

Nëse Barcelona mund t’i përshtatet rregullave financiare të La Ligas për afatin kalimtar veror, atëherë ata do të ishin në gjendje të bëjnë blerje të reja pa pasur kufizime.

Duke marrë parasysh këtë, ata duket se kanë bërë një lëvizje preliminare për Bruno Fernandes, bashkëkombasin e drejtorit sportiv Deco.

Sipas mediumit portugez A Bola, Barcelona ka biseduar me agjentët e Bruno Fernandes për të mësuar nëse mund të krijohen kushtet për një transferim të mundshëm këtë verë.

Bayern Munich gjithashtu është duke monitoruar situatën e mesfushorit portugez, dhe duket se të dy klubet do të ‘luftojnë’ me njëra-tjetrën për shërbimet e tij.

Lexo po ashtu Vincent Kompany 'godet' Manchester Unitedin, kërkon yllin kryesor të tyre

Fernandes është njëri prej mesfushorëve ofanziv më të mirë në Ligën Premier dhe ndonëse sezoni 2023/2024 nuk ishte një sezon aq i suksesshëm për të, ai pritet që të luajë një rol të madh për Portugalinë në Euro 2024.

Kampionati Evropian do t’i jap mundësinë Barcelonës që ta ndjek atë më afër, në rast se vendosin që ai është lojtari që ata duan.

Nuk ka dyshime se Fernandes është një lojtar i madh, por nuk është ai për të cilin Barcelona ka nevojë këtë verë.

Për më shumë, ai është 29-vjeçar kështu që do të ishte lëvizje më e mençur nëse ato para do të përdoreshin për transferimin e një lojtari më të ri në moshë./Telegrafi/