Imuniteti i fortë është çelësi për ruajtjen e shëndetit të fëmijëve, veçanërisht në kolektive më të mëdha, kopshte dhe shkolla
Edhe pse përbërësit natyralë dhe preparatet mjekësore nga natyra janë gjithmonë një opsion më i mirë në raport me shurupet, ilaçet dhe antibiotikët, duhet pasur kujdes të veçantë kur zgjidhni preparate për fëmijë.
Pavarësisht nga cilësitë e tyre mjekësore, disa bimë dhe përbërës që ato përmbajnë nuk rekomandohen për fëmijët, transmeton Telegrafi.
Për të përgatitur një pije antivirale, keni nevojë për dy limona, të paspërkatur, sepse përdoren së bashku me lëvozhgën, 200 mililitra mjaltë natyral, 1 rrënjë xhenxhefili të mesëm dhe një kavanoz qelqi me vëllim gjysmë litri.
Thjesht lajini limonët mirë, dhe qëroni xhenxhefilin, pastaj pritini në feta ose copa të vogla.
Bluajeni në një blender ose mikser me shkop, shtoni mjaltin dhe përzieni të gjitha mirë.
Vendoseni përzierjen në një kavanoz të pastër dhe mbulojeni me kapak. Ruajeni në frigorifer.
Mund të merrni 1 lugë gjelle në ditë dhe fëmijëve t’u jepni 1 lugë çaji. Mund ta vendosni edhe në çaj dhe pije të tjera të nxehta.
Limoni përveç vitaminës C, është i pasur me thartirë organike, forcon sistemin imunitar dhe rekomandohet kundër ftohjes. Xhenxhefili është një rrënjë absolutisht magjike dhe shumë e dobishme. Ai stimulon sekretimin e mukusit dhe në këtë mënyrë lehtëson kollën dhe lehtëson dhimbjen e fytit.
Xhenxhefili është një antihistaminik dhe për këtë arsye përdoret për të lehtësuar alergjitë. Përbërësit kimikë të xhenxhefilit janë të dobishëm në parandalimin e procesit të biosintezës së prostaglandinës, e cila është përgjegjëse për zhvillimin e inflamacionit.
/Telegrafi/