Bojkotohet fjalimi i Rusisë në samitin e G20 në SHBA

Ministrat e financave nga shumë vende u larguan nga një sesion i G20 me dyer të mbyllura në Uashington, DC, të mërkurën kur delegati rus filloi fjalimet e tij të përgatitura

Masa u koordinua mes aleatëve evropianë, SHBA-së dhe Kanadasë, raporton skynews.

Mbretëria e Bashkuar përfaqësohet në të gjitha seancat e G20 nga Guvernatori i Bankës së Anglisë, Andrew Bailey dhe Zëvendësja e Financave e Kancelarit, Lindsey Whyte.

Një zëdhënës tha se “Ne do të vazhdojmë të punojmë me aleatët tanë për të dënuar luftën e Rusisë kundër Ukrainës në termat më të fortë dhe për të nxitur një koordinim më të fortë ndërkombëtar që të ndëshkojmë Rusinë për veprimet e tyre të paprovokuara dhe të pajustifikuara, dhe të punojmë ngushtë me partnerët dhe institucionet ndërkombëtare financiare për të mbështetur Ukrainën”.

Ndërsa presidenti i SHBA Joe Biden ka thënë se Rusia nuk duhet të jetë më në G20, largimi i Moskës do të kërkonte mbështetjen e të gjithë anëtarëve. Kjo konsiderohet e pamundur, pasi Kina ka thënë se nuk do të mbështeste dëbimin e Rusisë. /Telegrafi/