Jerome Boateng është larguar si futbollist i lirë nga Bayern Munich.
Qendërmbrojtësi gjerman qëndroi 10 vite në Munich, por në fund u largua pasi nuk ishte më në planet e klubit bavarez.
32-vjeçari pritet që të provojë edhe njëherë një aventurë jashtë Gjermanisë dhe ofertat tanimë nuk mungojnë.
Mediat italiane raportojnë se agjenti i lojtarit është në bisedime tanimë me gjigantin italian Roma.
Ka qenë trajneri portugez i Romës, Jose Mourinho që ka kërkuar nga drejtuesit e klubit afrimin e gjermanit në skuadër.
Mourinho e kishte kërkuar mbrojtësin gjerman edhe dy vite më parë sa ishte në Manchester United.
“E thirra Mourinhon në telefon dhe i thash se interesimi i tij për mua vshtë një nder dhe e falënderova që u përpoq aq shumë për të më marrë. I tregova atij se është e vështirë për tu larguar nga Bayerni dhe nëse e bëjë atë duhet ta bëjë me mirëkuptim të klubit”, ishte deklarata e Boateng dy vite më parë.
Tani kur lojtari është i lirë, mediat italiane raportojnë se ai ka zgjedhje të parë Romën, por edhe oferta e kryeqytetasve duhet të jetë e lartë.
Boateng këtë edicion ka shfaqur formë të lartë, ku ka zhvilluar 39 ndeshje me Bayernin, teksa ka shënuar dy gola e ka asistuar në një tjetër. /Telegrafi/