BMW -ja e re mund të duket e ‘çuditshme’, por videoja promovuese është edhe më e ‘çmendur’

Nëse BMW XM e re ju ka ngatërruar me pamjen e saj, një video promovuese që duhet të sqarojë historinë e krijimit të modelit të ri M e ka komplikuar më tej çështjen.

Videoja zgjat më pak se dy minuta, dhe tregon XM në rolin e një kalorësi që pushton kështjellën.

Është “një video muzikore frymëzuese që ndërthur një vendndodhje të veçantë, kërcim ekspresiv dhe një veturë koncepti të pazakontë”, thonë ata në BMW.

Ky vend i veçantë është një kështjellë që të kujton Lindjen e Mesme, por ndoshta është një skulpturë nga Bullgaria e krijuar në vitin 1981 me rastin e 1300 vjetorit të perandorisë së parë bullgare.

Historia vazhdon me një pikë kërcimi dhe më pas kalon në një dimension të ri, të vështirë për t’u shpjeguar.

Gjithsesi ne e shohim përsëri XM, njihemi me brendësinë dhe dëgjojmë shkurtimisht motorin e tij V8. Sipas BMW, ai jep 760 kuaj fuqi dhe 999 Nm.

Pas kësaj video, është e vështirë të thuhet se në cilin drejtim po shkon BMW duke shpallur konceptin e “dizajnit të ri të pjesës së përparme të modeleve luksoze të BMW”, por duke gjykuar nga komentet, performanca mund të ishte shumë më e mirë. /Telegrafi/