Bitcoin arrin në nivelin më të ulët në tre muaj, ndërsa Elon Musk i ‘shtyn investitorët të largohen’

Bitcoin ra në nivelin më të ulët prej tre muajsh të hënën ndërsa investitorët shisnin kriptovalutat në prag të aludimeve të shefit të Tesla, Elon Musk, gjatë fundjavës që prodhuesi i makinave po konsideron ose mund të ketë shitur disa nga Bitcoinët e tij.

Sipas medieve të huaja, përcjell Telegrafi, në përgjigje të një llogarie të paverifikuar në Twitter, sipas së cilës – ndër tjerash – pronarët e Bitcoinëve “do të godasin veten” në tremujorin e ardhshëm kur të mësojnë se Tesla ka shitur pjesën e aseteve të Bitcoin, Musk i ishte përgjigjur me “me të vërtetë”.

“Me sasinë e urrejtjes që Elon Musk po merr, nuk do ta fajësoja atë”, thuhej në pjesën e dytë të postimit.

Bitcoiners are going to slap themselves next quarter when they find out Tesla dumped the rest of their #Bitcoin holdings.

With the amount of hate @elonmusk is getting, I wouldn’t blame him…

— Mr. Whale (@CryptoWhale) May 16, 2021

Megjithatë, nuk është e qartë nëse ai po konfirmonte shitjet apo nëse ai i referohej “pjesës së dytë të postimit”.

Ndryshe, Musk ka rritur tregjet e kriptovalutës me entuziazmin e tij, por kohët e fundit ka penguar tregtinë duke u shkuar në favor të Dogecoin.

Bitcoin ra më shumë se 9 për qind të hënën deri në 42,185 dollarë, niveli më i ulët që nga 8 shkurti, ndërsa ether, i lidhur me bllokimin e Etherumit, ra edhe më shumë deri në 3,123,94 dollarë. Dogecoin ra gati 7 për qind në 0.48 dollarë dhe të tre janë nën rekordet e fundit.

Ndërkohë, siç vënë në pah mediet, javën e kaluar, Musk tha se Tesla do të ndalonte marrjen e Bitcoin si pagesë, për shkak të shqetësimeve mjedisore në lidhje me përdorimin e energjisë për të përpunuar transaksionet. /Telegrafi/