“Besi dhe Xhensila kanë pasuri të jashtëzakonshme, po ndahen për ta fshehur, Ilir Meta përfshihet këtu”, avokati i njohur befason me deklaratën

Avokati i njohur Idajet Beqiri ka dhënë së fundmi një deklaratë befasuese lidhur me divorcin e Bes Kallakut dhe të Xhensila Myrtezajt.

I ftuar së fundmi në emisionin “Breaking” të Top News, ai ka thënë se divorci i tyre është fals dhe nuk kanë mosmarrëveshje me njëri-tjetrit.

Sipas tij, prapa divorcit të çiftit fshihet pasuria e Ilir Metës, derisa foli gjerësisht lidhur me këtë temë, raporton Top Channel.

“Xhensila dhe Bes Kallaku nuk po ndahen për shkak se shkojnë keq. Aty brenda është Ilir Meta, janë pasuritë e Ilir Metës. Sepse ata po vlerësojnë se po shkon SPAK-u edhe tek ata, dhe do të bëjë verifikimin e pasurive edhe të tyre. Dhe aty do të dalë edhe floriri i Kërrabës që ka përdorur Xhensila dhe që dyqanin e kishte në Durrës dhe shiste floririn e Kërrabës që i jepte Ilir Meta”, ka deklaruar avokati Beqiri.

“Kanë bërë pasuri të jashtëzakonshme. Shikoni vetëm vila sa i bën aty. Si mund të vihet një vilë aty ku e kanë ata dhe në komplekse të tjera? Minimumi është 1 milion euro, si mund të bëhen këto me një koncert? I dimë ne se kemi plot nga këta VIP-at këngëtarë dhe e shikojmë se çfarë përfitime kanë. Nuk mund të disponojnë miliarda siç po disponojnë këta njerëz që kanë qenë afër Ilir Metës. Po vazhdojnë të marrin masa për t’i fshehur këto pasuri. E keqja më e madhe që SPAK po vepron me ngadalësi të jashtëzakonshme dhe për këtë ka përgjegjësi të drejtpërdrejtë Dumani sepse po i lejon që të marrin masa për t’i fshehur pasuritë, duke zvarritur procesin, duke mos vepruar menjëherë në befasi”, potencoi mes tjerash ai.