Bergomi: Interi duhet ta neutralizojë Suson

Mbrojtësi legjendar i Interit, Beppe Bergomi, këmbëngul se Nerazurrët duhet të gjejnë formë si të ndalin Suson dhe Higuainin në derbin e qytetit të Milanos.

Dy gjigantët përballen të dielën mbrëma në Giuseppe Meazza e vetëm Paolo Maldini dhe Javier Zanetti kanë më shumë paraqitje në derbi se sa Bergomi.

“Dy lojtarët që mendoj se janë në gjendje të vendosin derbin janë Lautaro Martinez dhe Patrick Cutronte, pasi që ata mund të vijnë nga stoli dhe të dridhin gjërat”.

“Ka shumë cilësi, por kemi parë sezonin e kaluar se mund të kemi edhe 0-0 pa gola. Interi ka lojtarët në krah, e poa shtue dhe Nainggolanin, kurse Milani llogarit në Suson, Higuainin dhe mesfushorët agresivë”, theksoi Bergomi.

Dy ekipet kanë argjentinas në krye të sulmit dhe Bergomi ka krahasuar Icardin me Higuainin.

“Ne mund të kërkojmë më shumë nga Icardi, të jetë lideri në fushë dhe të punojë më shumë për ekip, por duhet të koncentrohemi në aftësinë e tij të jashtëzakonshme për të finalizuar në zonë”.

“Higuain ndoshta është sulmuesi më i kompletuar, që do të thotë se Icardi duhet të mësojë si të sillet në zonë, të luajë më shumë për ekipin”.

“Mënyra për të ndalur Higuainin dhe Milanin është duke neutralizuar Suson. Higuain hyn në secilin top që distribuohet në zonë, sidomos nga distanca. Mendoj se Milan Skriniar është një njeri që mund të markojë atë, e ai është i mirë në situatat një me një. Ai motivon shumë edhe tifozët me ndërhyrjet e tij”, u shpreh Bergomi. /Telegrafi/