Bekim Balaj: Paraqitja e mirë na solli fitoren ndaj Kosovës

Sulmuesi Bekim Balaj ka folur pas fitores së Kombëtares së Shqipërisë në vëllazërore ndaj Kosovës me rezultat 2-1.

Kuqezinjtë fituar ndaj Dardanëve me rezultat të ngushtë, ndërsa golat u shënuan nga Bekim Balaj, Myrto Uzuni dhe Vedat Muriqi.

Pas fitores ka folur shënuesi i golit të parë, Balaj, i cili ka mbetur i lumtur me paraqitjen dhe fitoren.

Lexo po ashtu Shqipëria mposht Kosovën në ndeshjen vëllazërorë që u shënuan tre gola

“Gjithmonë e rëndësishme kur bënë lojë, e vlerësuam në maksimum dhe hymë me impenjimin e duhur, bëmë paraqitje të mirë, arritëm ta fitojmë ndeshjen me një paraqitje të mirë”.

“Ekipi kombëtar ka gjithmonë prurje e afrime dhe kushdo që vjen duhet ta vlerësojë atë mundësi, të japë më mirën kur vesh fanellën, çdokush duhet ta shfrytëzojë rastin se është privilegj i madh”.

Lexo po ashtu Myrto Uzuni flet pas fitores ndaj Kosovës

“Synimet? Mundësitë janë mëse reale, kemi luajtur me ata dhe i njohim, do të hyjmë me vlerësimin maksimal dhe përqendrim maksimal, nuk pritet gjë tjetër veç fitores. Si sulmues që kur kalojnë ndeshjet pa shënuar ndihet mungesa e golit, e rëndësishme është që të jem pjesë e ekipit të luaj sa më shumë dhe kur aktivizohesh golat vijnë”.

“Mungesa? Të them të drejtën, duke i ndjekur ndeshjet nga TV është ndryshe nga ku i sheh në fushë, në Kazakistan ndoshta jo e luajtur në rimtin e duhur, me Lituaninë kishim ritmin e duhur dhe është mëkat që nuk e fituam atë ndeshje”, përfundoi sulmuesi shkodran.