Batistuta kthehet të flasë për të kaluarën: Meritova më shumë Scudetto

Legjenda e Fiorentinës dhe Argjentinës, Gabriel Batistuta pranon se ishte i bindur në Serie A, duke thënë se ai “meritonte” të fitonte më shumë se një titull kampioni.

Sulmuesi i njohur, i cili mbushi 50 vjeç më parë këtë vit, luajti në Itali nga 1991 deri në vitin 2003 dhe dikur konsiderohej si numri 9 më i miri në botë.

Ai dhuroi magji me Fiorentinën nga viti 1991 deri në 2000 para se të bënte transferimin te Roma, ku fitoi një dhe të vetmen Scudetto.

Lexo po ashtu Batistuta: Fiorentina, dashuria ime

Megjithatë, argjentinasi beson se ai meritonte të fitonte më shumë se një titull kampioni në Serie A.

“E gjithë karriera ime ishte përqendruar në përpjekjen për të fituar me Fiorentinan. Nuk kam pasur sukses, por i dhashë gjithçka”, ka thënë fillimisht Batistuata për kanalin zyrtar të Serie A në YouTube.

“Kur kuptova se kisha dhënë gjithçka, vendosa të ndryshoj klubet dhe shkova në Romë, ku fitova”.

“Personalisht, mendoj se e meritova. Unë bëra shumë sakrifica për të arritur atje dhe meritova të fitoja, të bëhesha kampion të paktën një herë”, përfundoi argjentinasi.

“Batigol” shënoi 20 gola të ligës duke ndihmuar Giallorossët të fitojnë titullin në sezonin 2000-01 – sezonin e tij të parë në Olimpico. /Telegrafi/