Batistuta flet për Tottin dhe krahasimin e tij me Higuainin

Gabriel Omar Batistuta pranoi publikisht dy vjet më parë se një ditë kishte kërkuar t’i prisnin këmbët për shkak të dhimbjeve të forta e të vazhdueshme që i vinin nga gjunjët.

Karriera e shkëlqyer e futbollistit argjentinas kishte patur një faturë të rëndë shëndetësore për një prej goleadorëve më të mirë që ka pasur sporti më popullor në planet.

Ish-sulmuesi i Fiorentinës dhe Romës u rikthye në Firence në qytetin që i ka dedikuar jo pak nderime për një miqësore javën e ardhshme. “Batigol” nuk mundi të hiqte një paralele ironike mbi Francesco Tottin 40 vjeçar, por edhe mbi sulmuesit e kombëtares së Argjentinës.

Lexo po ashtu Totti rekord në Serie A i cili vështirë se do thyhet ndonjëherë në të ardhmen

“Të shoh Totti-n të luajë ende në këtë moshë më shkakton vërtet inate të mëdha. Francesco është një figurë madhështore. Si futbollist e njohin të gjithë, por si njeri shumë pak dhe unë jam një prej tyre me fat”, tha Batistuta.

Lexo po ashtu ‘Mbreti i Romës’ që është më i rëndësishëm se Colosseumi dhe ylli i munguar te Galaktikët e Realit (Foto/ Video)

Ai shmangu krahasimet për pasardhësin e tij te Argjentina. “Higuain nuk është pasardhësi im. Këtë e thonë gazetat, por unë jo. Ndoshta është më i mirë ose ndoshta më i keq, por unë kam qenë Batistuta dhe i lumtur për këtë”, tha ish sulmuesi karizmatik.

Në mendjet e tifozëve kanë mbetur shumë gola mes të cilëve dhe një në “Camp Nou”, që heshti të gjithë stadiumin.

Lexo po ashtu Nga Ronaldo e Zidane te Baggio e Maldini, kjo është epoka e artë e Serie A (Foto)

Por këtë herë Batistuta do të provojë të zbresë në fushë për bamirësi. “Të hyj në stadiumin “Franchi” më shkakton gjithmonë emocione të mëdha, njësoj si ato që provoja kur isha lojtar. Shpresoj të hënë do shoh stadiumin plot”, tha Batistuta.