Reperi, Bardhi, ishte i ftuar së fundmi në emisionin Goca dhe Gra, ku ndau momente të sinqerta nga jeta e tij personale.
Ai foli për marrëdhënien me partneren e tij, Sarën, si dhe për vajzën e tyre, Nea, duke e quajtur ardhjen e saj në jetë një bekim të vërtetë. “Luteshim çdo natë që të vinte, ishte një dhuratë nga Zoti”, tha ai me emocion.
I pyetur për rolin e Sarës në karrierën e tij artistike, Bardhi u shpreh se ajo është gjithmonë pranë tij, jo vetëm si partnere në jetë, por edhe si mbështetje kreative.
“Më ndihmon me konceptet, me veshjet, me shumë gjëra”, tregoi ai, duke theksuar rëndësinë e bashkëpunimit të tyre edhe përtej jetës private.
Kur erdhi fjala te dëshirat e Sarës, reperi tregoi se është gjithmonë i gatshëm t’ia plotësojë: “Ç’të ketë qejf! I bëj edhe surpriza”.
Ai shtoi me buzëqeshje se i pëlqen më shumë të surprizojë të tjerët sesa të marrë dhurata vetë – një anë më e ndjeshme dhe më personale që publiku nuk e sheh shpesh.
Duket se Bardhi është jo vetëm një artist i suksesshëm, por edhe një partner dhe baba i përkushtuar, që e vlerëson familjen mbi gjithçka tjetër. /Telegrafi/
