Barcelona po konsideron një lëvizje befasuese për transferimin e yllit të Tottenhamit

Barcelona pritet që të bëjë përpjekje që ta rikthejë në ekip Joao Cancelon gjatë kësaj vere, por qëndrimi i Manchester Cityt për t’i dhënë prioritet shitjes përfundimtare të tij, mund të bëjë që blaugranasit të tërhiqen mbrapa.

Për këtë arsye bordi i klubit ka filluar të vlerësojë disa alternativa të tjera dhe një fytyrë e njohur duket se është pjesë e listës së drejtorit sportiv Deco.

Siç është raportuar nga CaughtOffside, Barcelona thuhet se do të konsiderojë një ofertë për Emerson Royal, lojtar të cilin e shitën tek Tottenhami në verën e vitit 2021.

Reprezentuesi brazilian pritet që të largohet nga Londra para se të mbyllet afati kalimtar veror për shkak se trajneri Ange Postecoglou nuk e ka atë në planet e tij.

Nëse e vetmja mundësi që Emerson të largohet nga Tottenhami është të shitet përfundimisht, atëherë sërish kjo do t’i vështirësonte gjasat e Barcelonës.

Ka shumë pak mundësi që blaugranasit të shpeznojnë 20 milionë euro për një mbrojtës të djathtë i cili do të ishte opsion ‘B’ në ekip, veçanërisht pasi ata i kanë Hector Fort dhe Julian Araujo si opsione alternative.

Royal ishte bërë pjesë e Barcelonës në janar të vitit 2021 pas transferimit nga ekipi brazilian Atletico-MG për shumën e 12 milionë eurove./Telegrafi/