Barcelona planifikon transferimin e një sulmuesi anësor, zbulohet emri ‘ëndërr’ dhe profili që duan 

Ndërsa prioriteti kryesor i Barcelonës gjatë verës është të nënshkruajë me një mesfushor të ri me tipare mbrojtës, nuk është e vetmja fushë që drejtori sportiv Deco do të kërkojë ta forcojë.

Është raportuar se do të kërkohen marrëveshje të reja për Joao Cancelo dhe Joao Felix, por edhe nëse ky i fundit qëndron (me shumë mundësi në një marrëveshje tjetër huazimi), Barcelona do të dëshironte të shtonte një tjetër sulmues anësor në skuadrën e saj.

Sipas mediumit Relevo, një sulmues anësor i majtë është i dëshiruar nga gjigantët katalanas.

Konkretisht, ata duan të nënshkruajnë një profil të ngjashëm me atë të Ousmane Dembele, në kuptimin që është i aftë, driblues i fortë dhe i mirë në situatat një me një.

Nuk janë krijuar ende objektiva konkretë, por një opsion ëndërr në zyrat e Barcelonës është Khvicha Kvaratskhelia i Napolit.

Megjithatë, ai është thjesht i paarritshëm në këtë fazë për shkak të problemeve të vazhdueshme financiare të klubit, kështu që një listë e ngushtë me emra më të lirë dhe më realiste do të duhet të hartohet nga Deco dhe drejtuesit. /Telegrafi/