Sport Futboll Ndërkombëtare

“Barcelona e rinovuar” – formacioni i të tashmes dhe së ardhmes

Para 10 muajve

Barcelona është sërish aty ku i takon në Evropë dhe po thotë fjalën e saj në La Liga dhe Ligën e Kampionëve muajve të fundit me fitore të mëdha.

Në një javë të pamposhtur, skuadra e Xavit fitoi me lehtësi ndaj Napolit dhe tregoi forcë të madhe ndaj Atletico Madridit.

E bëri me Pau Cubarsin, duke realizuar dy ndeshje pothuajse perfekte, me Fermin Lopezin që shënoi në të dyja ndeshjet dhe me pjesëmarrjen vendimtare të Lamine Yamal, në Ligën e Kampionëve dhe Hector Fort në La Liga.

Rikonstruksioni i skuadrës së Barçës, siç e analizoi Xavi Hernández pak javë më parë, po ecën përpara. Trajneri katalanas paraqiti një 11-she të kushtëzuar nga lëndimet, me një moshë mesatare 25.9 vjeç.

Dy të mitur – Cubarsi dhe Yamal – dhe vetëm tre futbollistë mbi të tridhjetat – Andre Ter Stegen, Ilkay Gundogan dhe Robert Leëandoëski – për të dëshmuar fillimin e atyre që janë gjurmët e para të Barçës së së ardhmes.

Në Ligë, mungesa e Joao Cancelos lejoi hyrjen e Hector Fort, një tjetër produkt i La Masia. Ka ardhur një epokë e re në klubin katalunas.

Vetë Xavi beson se disa nga këta futbollistë mund të shënojnë një epokë për klubin e Barçës. Kështu u përgjigj ai këtë të premte kur u pyet për Lamine Yamal dhe Cubarsi.

“Ata duhet të vazhdojnë në këtë nivel. Barça është hapi më i madh në botën e futbollit. Sfida është të qëndrojë në mesin e elitës së futbollit për shumë vite. Por ata kanë gjithçka. Mentalitetin, kushtet dhe aftësinë, për ta bërë këtë. Ata mund të shënojnë një epokë në klub dhe në futbollin botëror”, tha Xavi.

Në 11-shen tipike të Barçës këtë sezon, Alejandro Balde (20 vjeç) nuk mungon në krahun e majtë, ashtu sikurse Pedri (21 vjeç) dhe Gavi (19 vjeç) në mesfushë.

Rinovimi ‘me kosto të ulët’ të Laportas ka rikuperuar angazhimin e vendosur në La Masia. Kthimi në gjenezë në kohë krize është bërë zgjidhja më e mirë për Blaugranët.

Misteri i Ansu Fati

Duke lënë mënjanë të panjohurën e nënshkrimeve të ardhshme, duke iu përmbajtur evolucionit natyror të skuadrës sipas moshës dhe performancës, një 11-she jo shumë larg Barçës do të formohej nga Ter Stegen në portë, Jules Kounde, Cubarsi, Araujo dhe Balde në mbrojtje, Frenkie de Jong, Fermin Lopez dhe Gavi në mesfushë dhe një treshe e formuar nga Pedri, Lamine Yamal dhe Vitor Roque në sulm.

Duke parashikuar, sigurisht, që lojtarët kryesorë si Gundogan apo Leëandoëski nuk do të jenë aty ose do të zënë vendin e zëvendësuesit.

Shfaqja e lojtarëve të tjerë të rinj si Inaki Pena dhe Hector Fort këtë sezon ose rikthimi i Eric Garcia dhe Ansu Fati, në huazim te Girona dhe Brighton, do të rriste ndjenjën e një produkti kombëtar dhe rinisë në një skuadër që nuk është përgatitur për përforcime të mëdha. Jo të paktën për nga numri. /Telegrafi/