Deportivo La Coruna nuk është treguar kundërshtar i denjë i Barcelonës në Camp Nou. Katalunasit fituan me rezultat 4-0.
Skuadra vendase e dominoi sfidën që nga fillimi, ndërsa goli i parë erdhi në minutën e 21-të nga Rafinha, i cili u asistua nga Suarez.
Dy gola nga Rafinha në pjesën e parë.
I njëjti futbollist reagoi më së miri në zonë për ta shënuar edhe golin e dytë të nikoqirëve (36’).
Pas asistimit, Luis Suarez edhe shënoi.
Blaugranët e shënuan edhe golin e tretë në fraksionin e parë. Luis Suarez pranoi një top nga Neymar dhe u regjistrua në listën e golashënuesve (43’).
U rikthye në fushë nga lëndimi dhe pas tri minutash shënoi.
Në fraksionin e dytë në fushë u inkuadrua Lionel Messi dhe superyllit argjentinas i mjaftuan tri minuta që të shënonte (58’). Neymar e ndihmoi në realizimin e këtij goli me anë të asistit të tij.
Një goditje me bërryl në Neymar i kushtoi Laures me karton të kuq (65’) duke e lënë Deportivon edhe me inferioritet numerik në minutat e mbetura.
Rastet nuk ndaluan deri në fund, por gola të tjerë nuk pati.
Barcelona është në vend të dytë në tabelë me 16 pikë, një më pak se Sevilla, ndërsa Atletico Madridi dhe Real Madridi kanë nga 15 pikë, por nuk i kanë zhvilluar ndeshjet e kësaj xhiroje. /Telegrafi/
https://twitter.com/Bhoomiraj/status/787302032151502849
