Babai i Kvaratskhelia zbulon klubin që Khvicha ëndërron të luajë

Një nga zbulimet e Evropës këtë sezon, një lojtar që ka veshur fanellën e Napolit dhe që ngriti trofeun e Serie A-së vetëm disa javë më parë, i ka shkelur sërish syrin Real Madridit. Me këtë rast ishte babai i anësorit gjeorgjian, Khvicha Kvaratskhelia, gjatë prezantimit të një libri kushtuar djalit të tij: “Një mrekulli gjeorgjiane”.

Lojtari ka bërë një ndikim në Serie A siç askush nuk e imagjinonte dhe falë paraqitjeve të tij të shkëlqyera, Napoli u fut në rrugën e tyre drejt titullit të tretë të ligës në histori.

Në raste të mëparshme, gjeorgjiani nuk ka pasur kurrë shqetësime për t’u deklaruar si tifoz i klubit nga kryeqyteti spanjoll.

Lexo po ashtu Serie A zgjedh më të mirët - dominojnë yjet e Napolit

“Babai i tij, Badri dhe unë jemi tifozë të Barcelonës, por Kvara e do Madridin. Ai është lojtar i atij niveli, mund të luajë për çdo skuadër”, deklaroi Mamuka Jugeli, agjenti i tij.

Tani, me kampionatin italian që përundon në këtë fundjavë, para hapjes së afatit kalimtar të verës, babai i lojtarit ka folur edhe një herë për dëshirat e Khvicës.

Lexo po ashtu Sa vlen skuadra e Napolit pasi u kurorëzua kampion i Serie A?

Gjatë prezantimit të librit të lartpërmendur, Badri zbuloi synimet e ardhshme të djemve të tij: “Ëndrrat e Kvaratskhelias, synimet e tij kryesore, janë të fitojë Ligën e Kampionëve, të luajë për Real Madridin dhe të arrijë në turnetë kryesore ndërkombëtare me Gjeorgjinë”.

Napoli tashmë e di se nuk do të ketë Luciano Spallettin në krye për sezonin e ardhshëm. Ndërsa trajneri i ardhshëm është ende duke u vendosur, një verë e ngarkuar i pret kampionët italianë pasi shumë nga lojtarët e tyre fitues të titullit kanë ngjallur interesin e peshqve të mëdhenj të Evropës; Victor Osimhen, Kvaratskhelia dhe Kim Min-Jae janë tre futbollistët që mund të largohen nga Napoli për shuma të mëdha parash. /Telegrafi/