Autoritetet gjermane në kërkim të njeriut që çarmatosi katër oficerë policie – tregohet se si ndodhi e gjithë ngjarja

Autoritetet gjermane po kryejnë një kërkim në shkallë të gjerë për një të dyshuar i cili çarmatosi katër oficerë policie dhe i la pa armë.

Sipas mediave të huaja, përcjell Telegrafi, qindra janë oficerë janë të përfshirë në kërkimin për një burrë 31-vjeçar në rajonin e Black Forest pranë Offenburg.

Burri është “me shumë mundësi i armatosur” me një hark dhe shigjeta, si dhe me thikë dhe pistoletë, thonë policia.

I dyshuari, i cili nuk ka vendbanim të caktuar, është i njohur në polici për vepra të mëparshme të paligjshme me armë zjarri.

Policia thotë se i dyshuari kishte çarmatosur katër oficerë të dielën në mëngjes në Oppenau dhe kishte ikur në pyll me armë të ndryshme, duke veshur veshje kamuflimi.

Burri thuhet se fillimisht ka bashkëpunuar kur ai u afrua nga policia, përpara se t’i “kërcënonte masivisht” që ata të hidhnin armët.

Mit einem Großaufgebot von Einsatzkräften durchkämmt die #Polizei die Waldgebiete nördlich von #Oppenau, bisher ohne Erfolg

❗Durch die Deutsche Flugsicherung erging ein Durchflugverbot mit einem Radius von drei nautischen Meilen um Oppenau

➡️ Meldungen: https://t.co/E3DzeKfWFc pic.twitter.com/oX43IxBik6

— Polizei Offenburg (@PolizeiOG) July 13, 2020

“Papritur, dhe krejt papritur për oficerët, ai nxori një armë zjarri dhe kërcënoi ata, duke mos i lënë ata kohë për të reaguar ndaj situatës së rrezikshme”, tha policia e Offenburgut.

Për fat të mirë, askush nuk u plagos në shkëmbimin, i cili ndodhi rreth 30 kilometra nga kufiri i Gjermanisë me Francën.

Policia supozon se i dyshuari është njohur me zonat e pyllëzuara dhe terrenin rreth Oppenau dhe ka shkuar duke u fshehur.

Autoritetet kanë paralajmëruar banorët të qëndrojnë brenda, ndërsa oficerët, të mbështetur nga ekipe taktike, qen dhe helikopterë, kërkuan në zonën përreth.

Kontrolli i trafikut ajror gjerman kishte lëshuar gjithashtu një ndalim të fluturimeve brenda një rrezeje prej tre milje detare të Oppenau.

Një urdhër-arresti i paraburgimit është lëshuar për të dyshuarin me kërkesë të prokurorit publik të Offenburgut, për shkak të “dyshimit të grabitjes së rëndë dhe posedim të paligjshëm të armës së zjarrit”. /Telegrafi/