Auto Mita dhe Ventoro Motors nga Kosova ‘shkëlqejnë’ në Automotive Fair Albania – Ja çfarë sollën!

Edicioni i tretë i Automotive Fair Albania, eventi më i madh për të apasionuarit pas makinave, ka hapur dyert këtë të enjte, duke bërë bashkë prodhues e koleksionistë të industrisë se automobilizmit.

Ky panair, i cili po mbahet nga data 27 deri më 30 mars në Tiranë, ka për qëllim të jetë një platformë unike për të eksploruar të kaluarën, të tashmen dhe të ardhmen e industrisë së automjeteve.

Panairi ofron një mori aktivitetesh dhe ekspozitash që përfshijnë:

Mini-Gara dhe Parada: Një mundësi për të parë pilotë amatorë dhe profesionistë të garojnë në një skenë të veçantë, duke sjellë adrenalinë dhe emocion për pjesëmarrësit dhe shikuesit.

Ekspozita Retro: Automjete me rëndësi historike do të jenë të ekspozuara, duke ofruar një vështrim nostalgjik në makinat që kanë bërë historinë.

Aktivitete Edukative: Pjesëmarrësit do të kenë mundësinë të ndjekin seminare dhe ëorkshope që trajtojnë tematika të ndryshme në lidhje me teknologjinë dhe zhvillimet e fundit në industrinë automobilistike.

Ky panair sjell së bashku ekspozues nga e gjithë bota, ndër të cilët spikat edhe përfaqësimi i Kosovës me Auto Mita.

Auto Mita, një nga emrat më të njohur në tregun automobilistik të Kosovës, sjell në Tiranë një koleksion të jashtëzakonshëm automjetesh dhe inovacionesh.

Me një reputacion të fortë për cilësi dhe shërbim të shkëlqyer, pjesëmarrja e Auto Mita në panair është një dëshmi e përkushtimit të tyre për të kontribuar në zhvillimin e industrisë automobilistike në rajon.

Në këtë panair edhe po merr pjesë edhe Ventoro Motors, si pjesë e Auto Mita, i cili po bën një paraqitje mbresëlënëse me linjën e tyre të re të motorëve që sjellin frymëzimin klasik të Vespa-s, por edhe me përmbajtje moderne.

Me një fokus të veçantë në dizajnin estetik dhe efikasitetin e lartë, Ventoro Motors premton të tërheqë vëmendjen e të apasionuarve pas motorëve në këtë panair të shquar.

Me pjesëmarrjen e tyre në këtë panair, Auto Mita dhe Ventoro Motors po përfaqësojnë një kombinim perfekt të traditës dhe inovacionit, duke ofruar për vizitorët një spektakël të vërtetë të botës automobilistike.