Aubameyang: Milani më mësoi të bëhesha profesionist, tani jam lojtar i Arsenalit

Sulmuesi i Arsenalit, Pierre-Emerick Aubameyang ndihet me shumë fat që kanë dalë përmes sistemit të të rinjve të Milanit.

Futbollisti ka dal prej akademisë së Rossonerëve, por kurrë nuk ka luajtur për skuadrën e parë të ekipit italian, ku karrierën si profesionist e ka nisur te francezët e Saint-Etienne.

Tani duke luajtur për Gunners, lojtari do të ketë mundësi të takohet me ish-skuadrën në kuadër të Ligës së Evropës.

“Kur isha në Milan, isha shumë i ri, me më pak përvojë”, kujton Aubameyang, duke folur për ueb-faqen zyrtare të Arsenalit.

“Por, aty mësova të bëhesha profesionist. Isha me fat, sepse në atë kohë kishte shumë lojtarë të mëdhenj, si [Paolo] Maldini, [Alessandro] Nesta, Kaka, [Clarence] Seedorf, Ronaldo”.

“Isha mjaft i turpshëm si një person, por isha i etur për të mësuar nga këta yje dhe me të vërtetë mësova shumë”.

“Familja ime? Sigurisht, ata do të mbështesin Arsenalin, edhe pse e gjithë familja u rrit në Milano. Ne ishim me fat që kemi ardhur në këtë qytet, por jeta ka shkuar në atë mënyrë, dhe tani po mbështesim Arsenalin.

“Në shtëpi ata do të brohorasin për Arsenalin. Por, natyrisht që ende kemi shumë respekt për italianët. Ata na ndihmuan shumë – të gjithë familjen. Ne ishim shumë me fat që keni kaluar një pjesë të kohës atje”, pohoi Aubameyang. /Telegrafi/