Atalanta pritet ta përcaktojë titullin në Serie A – Gasperini i dërgon mesazh Milanit

Interi ka varur shpresat te një skuadër zikaltër për titullin kampion dhe bëhet fjalë pikërisht për Atalantën, që fundjavën e ardhshme do të jetë mysafire në “San Siro” për t’u përballur me Milanin, në një sfidë mjaft të rëndësishme si për fatin e kampionatit, ashtu edhe për atë të vetë bergamaskëve, që duan një vend në zonën e Ligës së Evropës të renditjes.

Trajneri Gian Piero Gasperini refuzoi të quajë Atalantën e tij si “gjyqtare të titullit”, por tha se bergamaskët janë arbitra të vetes së tyre, pasi do të kërkojnë maksimumin për të arritur objektivin e vetëm që u ka mbetur.

“Ne duhet të jemi arbitra të vetvetes, pasi na duhen pikë për objektivin tonë. Do të luajmë ndaj një skuadre që ka bërë shumë mirë këtë kampionat dhe a pret një takim vendimtar për të dy ekipet. Megjithatë duam fitoren dhe duhet të përgatitemi sa më mirë për t’ia dalë”, u shpreh Gasperini.

Lexo po ashtu Pioli zbulon fjalimin frymëzues të Ibrahimovicit që ndezi lojtarët e Milanit në zhveshtore

duket se do të jetë një ndeshje e ashpër mes dy skuadrave, pasi Milani lufton për titull, dhe një barazim do t’i kryente punë për t’i mbajtur gjallë shpresat.

Në anën tjetër, Atalanta do ta kërkojë vetëm fitoren për të tentuar që të sigurojnë një vend në Ligën e Evropës, duke ua vështirësuar synimet Rossonerëve.

Interi do t’i ketë gishtat e kryqëzuar për një humbje të Milanit, për të shpresuar më pas që të marrë kreun e tabelës. /Telegrafi/