Ata akuzohen për ngacmime seksuale, Dench kujton kontributin e Spaceyt dhe Weinsteinit

Njëherë fituesja e Oscarit, Judi Dench ka folur rreth maktheve nëpër të cilat po kalon sa herë po mendon rreth veprave të Kevin Spaceyt dhe Harvey Weinsteinit, të cilët janë “njollosur” shkaku i akuzave të abuzimit seksual.

Aktorja nuk i ka mbrojtur, as nuk i ka dënuar kolegët që shumë femra i akuzuan për sulm seksual, por ai ka shprehur pikëllimin për faktin se puna e tyre nuk po respektohet para veprave të ndyra.

“Çfarë është ajo përndjekje? A do t’ia mohojmë kontributin dhjetëvjeçar që kaloi duke punuar në teatrin Old Vic dhe çdo gjë që ka bërë Spacey si drejtor artistik”, tha ajo për British Radio Times.

Ndërsa ka mohuar që merr anë, kur bëhet fjalë për Weinstein, pasi që në saje të filmit të regjisorit, “Shakespeare in Love”, ajo ka fituar një Oscar, raporton CNN.

Weinstein është akuzuar për përdhunimin e një gruaje në një dhomë hoteli në New York në vitin 2013 dhe detyroi një grua tjetër të ketë seks oral në apartamentin e tij të Manhatanit në vitin 2006.

Weinstein mohoi të gjitha pretendimet se ka bërë seksi pa pëlqimin e vajzave ndërsa gjykimet për rastet e supozuara do të nisin më 9 shtator.

Nga ana tjetër, Spacey aktualisht po kalon nëpër një proces gjyqësor pas akuzave se ka ngacmuar seksualisht disa fëmijë të mitur. /Telegrafi/