Astronomët kapin imazhin e asteroidit gjigant, ndërsa i afrohet gjithnjë e më shumë Tokës

Një asteroid i madh pritet të kalojë në sigurt afër Tokës drejt fundit të muajit të ardhshëm – dhe astronomët kanë kapur një imazh të tij ndërsa i afrohet planetit tonë.

Shkëmbi gjigant hapësinor – i njohur si (52768) 1998 OR2 — është asteroidi më i madh që do të afrohet me Tokën në vitin 2020, sipas Qendrës së NASA-s për Studime të Objekteve të Tokës së Afërt (CNEOS), transmeton Telegrafi.

Asteroidi do të afrohet me Tokën më 29 prill duke kaluar afërisht rreth 6 milionë kilometra — ose rreth 16 herë sa distanca Tokë-Hënë — ndërsa udhëton me një shpejtësi prej afro 30,000 kilometra në orë.

Ndërsa i afrohet Tokës, astronomi Gianluca Masi nga Projekti i Teleskopit Virtual arriti të rrëmbejë një foto të (52768) 1998 OR2 duke përdorur një teleskop robotik të njohur si “Elena”, i bazuar në Ceccano, në Italinë qendrore, më 6 mars.

Gjatë fluturimit të asteroidit afër planetit tonë, astronomët profesionistë në mjedise të tilla si Observatori Arecibo në Porto Riko do të vëzhgojnë asteroidin në mënyrë që të mësojnë më shumë rreth tij. Sidoqoftë, objekti është aq i madh sa do të jetë i dukshëm me teleskopë të vegjël. /Telegrafi/