Barcelona e ka filluar kampionatin 2018/19 me fitore, katalunasit fituan me rezultat 3-0 ndaj Deportivo Alaves.
Skuadra e Ernesto Valverde ishte dukshëm më e mirë dhe kjo ishte një fitore po aq sa e merituar edhe e lehtë.
Pjesa e parë ishte pa gola, edhe pse me shumë raste nga lojtarët vendas.
(Foto: Getty Images)
Edhe një herë, atëherë kur skuadrës i duhet më së shumti, në skenë doli Lionel Messi. Ai me një gol të bukur nga gjuajta e lirë i dha epërsinë Barces në minutën e 64.
(Foto: Getty Images)
Ky ishte goli i 6000-të i skuadrës katalunase në histori të La Ligas, ndërsa vlen të theksohet se Messi ishte i autor edhe i golit të 5000-të në vitin 2009.
Për të siguruar këtë fitore u përkujdes Philippe Coutinho në minutën e 83-të.
(Foto: Getty Images)
Messi kishte ruajtur pak nga klasi i tij edhe për fundin e ndeshjes, ai shënoi për 3-0 në kohën shtesë dhe me këtë rezultat përfundoi takimi.
Ndeshja e ardhshme e Barcelonës është kundër Valladolidit. /Telegrafi/
